Hellyeah се новите каубои од пеколниот Тексас кои ја следат традицијата на стариот добар southern rock/metal со многу кантри елементи, неизбежни за овој вид музика, одбележјето на Тексас. После Пантера и смртта на Дајмбег, новиот оган Hellyeah ја воскреснува силата која некогаш пламтеше. Vinnie Paul (ex. Pantera) беше случајната причина преку која го открив бендот трагајќи по интернет. Со само еден албум зад себе, Hellyeah (можеби на стара слава поради членовите кои се искусни музичари од познати бендови) стекнаа слава.

Албумот се состои од 12 одлични песни, од кои би издвоил 3 кои оставаат најголем вечаток и кои се најдобрите. Првата од тие е и почетната песна од албумот, истоимена со името на бендот - Hellyeah, која го започнува пеколниот одличен почеток на албумот и на самиот бенд. Втората песна која ја издвојувам е You Wouldn't Know која е втора песна од албумот. Најголем впечаток ми остави песната Alcohaulin' Ass којашто содржи многу кантри елементи и е најкарактеристичната песна од албумот која длабоко во себе го носи кантри духот на Тексас.